搖茶飄香

落單時, 老闆娘好唔耐煩, 佢不是行來落單,而是在遠處眼都唔望你, 你講呀!我講得好清楚,佢回應我,聽唔到，我唯有再講一次。

之後佢回來, 掉低餐具, 係 “掉低”, 唔係放低,都算了。
我叫豬軟骨麵,D豬軟骨得2小件, 真係好細舊, 同少少好散嘅肉碎, 看一看價錢牌要31元一個餐, 加一杯飲品, 唔通因為通脹來了。味道亦一般。

到埋單,佢話要34元, 我話餐牌寫31, 佢好唔耐煩咁話餐牌 “甩色”, 語氣好似係我唔啱咁,跟著又話剛剛加了價 。我話加了價但d餸真係好小, 我講時都唔係惡,但她好大聲咁話, 你知唔知D野幾貴!之後大力掉D找錢!

我以後都唔會幫襯佢, 今時今日咁嘅服務態度!