殷悅

同屋企人食中秋飯，所以無影相

一入到去，訂左八人，佢得六張椅，叫佢拎，拎得一張黎，又要再叫佢拎，但我明明訂左八人，點解無一早準備好? 加既其中一張仲要係唔同色，完全唔靚仲要矮一截
嗌左兩款茶，黎得一款，同佢講，我地嗌左香片同普洱，黎左一個咋，佢答: 係咩?  
有一壺無晒水，一壺淨係大約四分一，叫佢加晒兩壺，佢拎一拎起壺水話，仲有水喎
跟住埋單因為鮑魚酥缺左，叫佢CHECK 下張單係咪取消左，佢問 :XX 酥係嘛? 鮑魚酥? (XX 係因為我唔記得佢講乜) 
食食下仲有個插曲，另一waitress 突然拎左啲單同錢黎，我地咪同佢講我地未食完未埋單喎，點知佢話我地有人入左會喎，我地梗係一頭霧水啦，跟住佢語氣就開始火
新香港就係要呢啲服務態度啦，抵讚!