稻香超級漁港

周圍附近都冇乜酒樓，以前稻香都唔錯嘅，但係成班侍應家經理啲服務都差到爆炸，最近做緊一蚊雞，服務水平就更加差。

但係阿媽話抵食，咁就唯有等位啦⋯⋯啲老人家就係咁啦！貪個少少着數，5:50等到6:45pm 就係啱啱差一個Number等左九個字。

叫咗兩隻一蚊雞，當然抵食到冇朋友，但係一隻雞個樣比較新鮮，另一隻雞就好似瘀瘀黑黑咁，雞肉食落去係梅嘅，阿媽問侍應點解出晒水，佢話正常

另一隻好似黃油雞，啲肉望落去都新鮮啲，食落去就冇怪味。一蚊我冇投訴

跟住阿爸鍾意食魚，叫條王立倉，味道又係怪怪地

最後花膠雜菜煲 , 味道正常，雖然冇乜花膠，不過我主角都係想食多啲蔬菜OK嘅⋯⋯