呢盤生蠔一睇就知係高級貨,八隻肥美生蠔排得靚靚整整齊齊,每隻上面都淋咗青綠色嘅蒜蓉牛油汁，仲撈埋金黃酥脆嘅蒜蓉粒同炸蒜片，聞落已經好香口好有鮮味,一啖落去肯定係有鮮甜蠔肉,濃郁蒜香加酥脆口感，層次超豐富。
碟意粉真係超級creamy又香口, 醬汁色澤青綠得嚟又夠濃稠，啱啱好包裹住每條penne，仲有好多新鮮羅勒碎同芝士粉，一睇就知係用真材實料而唔係廉價野,意粉煮到al dente，有咬口之餘又吸滿晒醬汁，一野叉落去超滿足。
最後個煙肉芝士焗通粉,簡直係邪惡本惡,完全擊中我嘅死穴,知芝士多到離譜,表面焗到金黃起泡，仲有嗰種香脆嘅芝士焦蓋，一叉撬開即刻拉絲到飛起，下面係成池濃到化唔開嘅芝士醬，通粉粒粒都飲飽晒醬，咬落去超級creamy, 煙肉切得粗粗粒，煎到香脆又帶少少焦邊，煙熏味超香，每啖都有煙肉爆香同芝士一齊爆開，咸香＋油香＋奶香三重疊加，根本停唔到口。
2
