好味軒

营业中

休息中

🍚出色超有鑊氣小菜館🍚位於旺角既喱間小菜，大部分食客都係叔叔😆，小菜抵食又有鑊氣，而且開到好夜，適合食宵夜、遲收工去食飯😎。蜜餞鎮江骨($93)黑醋骨係店內招牌菜，一上枱時係超熱熱到咬唔到落去😂。食落外層好酥化，但肉係實在，醬汁偏稀但足夠掛汁，醋味經過烹煮變成香氣，鍾意酸甜口必點。番茄牛肉炒蛋($98)鮮茄味好出，牛肉嫩，不過蛋少左啲，但撈飯一流！香辣炒雞($88)雞肉雖然切得細，但炸過所以保持到外面微焦但入面係嫩，整體好濃味，香辣感十足。酸菜魚($138)魚一般唔洗試🫣，食酸菜魚都係要去返川菜餐廳。