有冇人會食M記凱撒沙律？
由於唔係好肚餓，但又想食啲嘢，於是打算食沙律，出面買沙律都唔平，好多都要$40至$60，於是今次試咗M記嘅凱撒沙律，單點$32.5左右，要烤雞腿再加$8，如果係新吞拿凱撒沙律就$36.5，仲可以預先手機落單，唔使等有得拎。
🥗 新吞拿凱撒沙律 -$36.5
M記嘅凱撒沙律用紙盒裝，都算大盒，全部都係生菜黎，尚算新鮮翠綠，另外會有麵包粒，但硬左吾脆，可能擺耐咗，仲會有啲芝士薄片，凱撒沙律醬係一包丘比沙律汁，比你自己落落去，份量都夠撈晒一盒，新吞拿魚嘅份量都唔少。
總括嚟講呢個凱撒沙律都對得住價錢，如果想食沙律而附近有冇特別嘅沙律點都可以考慮吓M記，套餐連薯條汽水就要$50左右了。
