呢度除咗款式多之餘，覺得食材全部都好新鮮，當然廚師爆炒嘅技巧亦都好犀利，全部都係積點即炒，出餐又快，又夠鑊氣，連辣度都可以比香港人自由選擇，同時間亦都有好多唔辣嘅菜點，最緊要就係乜嘢？就係佢嘅價錢！今時今日喺香港用呢個價錢食到呢個質素嘅嘢都真係好難得！
唔好話放工過嚟食晚餐先係抵，其實午市套餐都真係超級抵食，每人大概$50 ，仲要唔使10%！人均$50，免加一！另外一樣好鍾意嘅就係呢度啲座位夠闊落，卡位都係梳化位，適合一家大細或者朋友嘅聚會。
湘味酸菜魚一上枱已經聞到好香嘅酸菜味，加埋份量好多，魚肉新鮮亦都好厚身。呢個真係越食越過癮。
18爆炒雪花牛肉呢個真係好出色，原來係廚師用咗18秒猛火炒，鎖住肉汁，肉質亦都好彈牙，用嚟撈飯一流！
膠原脆皮豬手係湖南秘製滷水慢煮12個鐘，超級入味之餘，外皮亦都炸得酥脆豆腐呢一樣真係骨膠原爆滿！
火爆紫蘇牛蛙都超級吸引，而且好惹味，牛蛙肉質鮮嫩，正！
涼拌花甲每一隻都好大粒，好新鮮，加埋辣醬，變得爽脆過癮，呢個大推！
翡翠醬肉香煎包用嚟打卡一流，而且食落有少少甜甜地，當配起辣嘅嘢一齊食，就可以中和一下口味。
飲品方面就要左超大杯鴨屎香檸檬茶同解暑西瓜檸檬茶，兩杯都係真材實料檸檬茶，相當解渴。
食完之後返屋企都好方便，巴士小巴同地鐵就喺附近，今餐真係食得好開心！我不允許你們沒有吃過！
