牛油香草烤黃油大雞 ($258)
呢個製作需要50分鐘， 所以一坐低已經即刻order。等左咁耐果然無失望，外皮酥脆到好似炸子雞皮咁，而內裡肉質好鮮嫩，內汁保持得好好，每一寸雞肉都散發濃郁香草同牛油香氣 ， 令人唇齒留香。份量好多， 兩隻大雞髀令人回味無窮。
香烤慢煮伊比利豬鞍 ($208)
上枱時已經一片片切好了，好容易進食，好貼心。伊比利豬脂肪含量豊富而且分布均勻，肉質細嫩多汁 , 帶有獨特的堅果
和奶油香氣 。 外皮燒到金香焦脆，內裡肉質細緻，口感順滑。
炸芝土 ($58)
有兩款芝士，分別是mozzarella芝土圈及車打芝土粒。 炸到金黃色而且好酥脆，充濃郁奶香，更加做到拉絲效果， 芝士控必吃！
薯仔沙律 ($78)
份量好多，但味道較為普通。 口感幾綿密， 軟而不爛，保留了一點點咬口， 煙肉碎粒增加咗香氣同口感。
伯爵茶忌廉配蜜瓜梳乎厘班戟 ($118)
呢度嘅梳乎厘班戟真係好出色，幾乎每台都會叫， 係我暫時係香港食過最好食嘅。 口感非常輕盈蓬鬆， 空氣感滿滿， 如同雲朵般柔軟， 真係有入口即溶嘅感覺。 蛋香奶香濃郁， 適逢蜜瓜當造季節， 蜜瓜很清甜， 伯爵茶嘅花茶香亦帶來了一點清新。
鮮奶線茶（凍）($44)
用咗全脂奶，口感較順滑， 綠茶清香，唔會太苦澀。
