Weekend諗住chill下去cafe
最後都係後悔呢個決定😂
Openrice見呢度評價幾好就諗住試下
上二樓幾chill係榻榻米🤣
紙巾、水同餐具等等都係自助
其實一向覺得自助幾好😎
但都係覺得香港default有加一係好衰😂
但心態當然受食物同其他因素影響嘅
今次應該係食物🙈
👉🏻慢煮封門牛柳定食（$138）
一上枱少少驚訝
配菜係難得一見好薄嘅兩塊玉子燒同埋三粒青瓜
配以咁大隻碟顯得好可憐😂
牛柳冇乜牛味 同埋又係好薄切⋯都幾失望⋯
👉🏻雙重三文魚芝士滑蛋吐司（$88）
首先隻碟只係我手掌咁闊😂
基本上係唔方便食呢種吐司，好易整出枱😕
第一次食到配菜係薯角而係得三小舊😟
但有一說一，個吐司包係幾好食😝
入面基本上挖空咗係滿滿嘅蛋😛
都有好多三文魚籽鋪面，但得一舊仔煙三文魚
芝士就冇乜味，可能因為得面嗰少少芝士粉😂
雙重三文魚同芝士嚟講，我就冇咩驚喜🥲
$88好似比咗大部分去個包同炒蛋咁⋯
👉🏻開心果特調（$56）
見佢mix開心果同豆腐就心思思試下，又的確幾特别同好飲😋
但嚟到隻杯好淺⋯然後好多冰仲好大粒⋯
基本上飲幾啖都冇晒😞
幾欣賞佢地擺開心果粒喺杯邊，cocktail咁設計，但痴得太實，好難食到，枉論溝埋杯嘢一齊飲☹️溝埋好味，但整到好論盡先做到😔
其實每樣嘢做多少少就爭好遠
但呢個程度，配呢個價錢再加一
真係唔會再去
