已經十分耐冇晚市堂食，好想大吃特吃
所以今日選擇了放題。
任食既刺身真係好吸引，三文魚、北寄貝、八瓜魚、仲有帶子全部都超級新鮮，
厚厚一片，食完又可以再食，好欣賞帶子刺身，鮮甜又好味。
刺身始終師傅即叫即切，始終堂食都係最好味。
係等其他菜式既時侯
當然係要出去外面自取區
出面選擇都好多，蜆及凍蝦都有。
仲有瑞士雞翼及唔同冷盤等等。
最鐘意係佢有冷泡茶，放題都有自家制冷泡茶。
有關熟食，好想推介，幾得意，
海鮮沙律多士，龍蝦沙律多士，多士薄薄一片，上面沾有海鮮及龍蝦沙律，
咬落去又脆又鮮味，而且一口食得完.唔會覺得滯，真係幾好食。
熟食方面、
燒大蝦、壽喜燒牛肉鍋、燒牛舌，仲有吉列蠔都係超正超脆，炸既時間又岩岩好,所以係好好味。
燒牛舌，鹽味已經好香好好食。
壽喜燒牛肉鍋: 其實平日一鍋已經係一個定食價錢,今日$238蚊可以咩種類食物都有，真係超值。
最後仲有movepick雪糕。我真係好耐冇試過係咁滿足，咁開心。
