Chatterbox Café (圍方)

营业中

休息中

今日嚟到大圍行街，行到3樓發現有好多受歡迎嘅餐廳。我同朋友就俾Chatterbox Café吸引住。Chatterbox Café主要提供新加坡菜，有飯類、麵類、喇沙、串燒、甜品等等。文華海南雞飯 $138海南雞飯set有海南雞、油飯（可轉白飯）、湯同醬汁。海南雞份量多，每件都好厚肉。雞皮好彈牙，雞肉好滑，好軟，有濃濃嘅雞位！底下有啲鼓油作少許調味。油飯好香口，飯粒濕潤，粒粒分明。湯品輕輕地，裡面有蔥、椰菜、豆腐同肉粒。星洲海鮮炒貴刁 $128另一樣新加坡好出名嘅就係炒貴刁。炒貴刁好有獲氣，好香口，調味充足。裡面材料有大蝦、帶子、臘腸、魷魚、蛋絲等等。加入臘腸炒過後，貴刁更加香，食落好特別。大蝦好彈牙，帶子好鮮甜，魷魚爽口彈牙。斑蘭蛋糕配椰子雪糕 $78最後甜品食左斑蘭蛋糕配雪糕。斑蘭蛋糕好鬆軟，好濕潤，斑蘭味好香濃。另外仲配有椰子糖漿，配蛋糕一流～椰子雪糕好出色，食落椰子味濃郁，仲食到啲椰絲。