牛丼家

❣️旺角激抵食！牛丼家松露魔王堡邪惡到癲❣️

今次同朋友去旺角牛丼家食lunch😋一人一個套餐，抵食到震～我嗌咗個松露魔王堡套餐，一上枱已經聞到超香黑松露味，個漢堡扒厚身又多汁，咬落去肉質鬆化，夾埋芝士一齊食真係邪惡到癲！跟餐加咗隻溏心蛋，流心蛋黃撈飯真係無得頂，再啖啖冰凍可樂，爽呀！

朋友就叫咗鰻魚飯套餐，塊鰻魚厚切又燒得啱啱好，甜甜哋嘅照燒汁撈飯，佢話食到舐舐脷😝跟餐竟然有魚手指，炸到金黃香脆，點埋沙律醬食，細個嘅味道返晒嚟！百零蚊搞掂，飽到捧住個肚走😆