有一排冇食西班牙菜，今日約咗朋友嚟到呢間以西班牙菜為主嘅餐廳度食飯，餐廳佈置幾有特色，而且星期五有live band添
4
晚市二人套餐$388
前菜分別有蒜片蝦、意大利香草包、洋蔥湯。蒜片蝦嘅蝦肉一開為二，建議可以將香草包點蒜片蝦嘅汁嚟食，蝦汁小小辣，加埋軟熟嘅香草包幾夾。 洋蔥湯加咗少少洋蔥粒等配料，味道偏鹹
BBQ醬烤豬肋骨
主菜係bbq醬烤豬肋骨，伴野菜沙律同埋薯條。沙律清爽，豬肋骨肉質軟淋，表面有一層bbq醬，加埋薯條一齊食都好惹味。
經典海鮮西班牙飯+$78
另外加錢叫咗個海鮮西班牙飯 ，配料有青口、大蝦、魷魚，海鮮食得出鮮甜味。建議喺西班牙飯上面加上檸檬汁同埋忌廉攪勻，入口鮮味又清爽
西班牙油炸鬼
甜品西班牙係油炸鬼，係全手工製造，油炸鬼表面沾滿砂糖，另外有雲呢拿雪糕同埋朱古力醬，真係甜入心
不能說的秘密$68
西班牙檸檬啤酒$38
另外叫咗兩杯嘢飲， 一杯係雜莓為主題嘅特飲，加入咗藍莓 紅莓荔枝等水果，味道酸甜。而另一杯就係西班牙檸檬啤酒， 檸檬啤酒最近做緊優惠，全日只係$38！啤酒口感輕盈，酒精味唔明顯，女仔都啱飲！
