朗豪坊後面街間楊記麻辣烤魚啲川菜幾出色
以前喺附近番工成日嚟食lunch 好鬼抵食
第一次食晚飯 估唔到咁多人幫襯
呢度所有菜式都係即叫即做 調味辣度可以自選
想食幾麻幾辣全部有得揀 BB辣同小辣就啱晒我
酸菜魚細份都好多魚片呀 老闆話係即劏生魚
我覺得都幾好味又冇乜骨 薯粉好厚好有咬口
乾鍋田雞上枱後仲有個火爐熱住
食到尾都係熱辣辣風味十足
田雞外層夠乾身 髀位幾嫩滑
手撕包菜真係好正 少辣夠鑊氣又食到包菜甜味
仲叫左半打炸饅頭 點埋煉奶又香又甜
呢間冇加一 份量又夠大 係我喺旺角嘅川菜推介👍🏻
