部屋咖啡室

星期六晏晝一兩點鐘嚟到部屋咖啡室, 驚見全場爆滿, 好彩職員幫我地喺另一邊房留左位, 呢邊環境無主場咁開揚, 但座位尚算寬闊舒適。打開meun, 一律西餐 , 大眾化嘅pasta, risotto, pizza, burger, all day breakfast 都齊全, 甜品選擇就唔係太多。前菜揀咗凱撒沙律, 蔬菜新鮮, 灑上煙肉碎同多士脆粒, 唔會單調。千島夏威夷Pizza, 可以揀10吋或14吋, 呢個14吋嘅一送到就佔據咗半張檯, 雖然配料簡單, 只有火腿菠蘿, 但芝士層都幾厚, 每人食兩三塊已經撐不下。辣虎蝦意粉, 原隻虎蝦配香草茄汁意粉, 醬汁唔會太濃, 辣度很微, 怕辣嘅朋友都啱食。飲唔選擇多, 呢杯Mocha, 加一層厚滑忌廉同朱古力雪糕球,又係飲品, 又係甜品。 飲飲食食, 同好友傾下計, 唔覺唔覺就喺度消磨咗幾個鐘。