原來同一個位置
朝早係南園餐廳
夜晚就係劉記大排檔
今朝好難得過嚟食早餐
一於試吓佢
其實佢日間位置好大
啲枱隔得好疏 坐得幾舒服
唔會好似人貼人咁逼
坐低咗睇睇餐牌先
22
其實都幾多選擇
有三文治粉麵餐
又有啲好似歐陸早餐
不過穩陣起見
都係試一試佢個招牌沙嗲牛
今次係叫咗三餸麵茶餐
炒蛋、沙嗲牛、叉燒！
加錢配埋個出前一丁麵
炒蛋夠滑 沙嗲牛夠惹味
不過叉燒就比較遜色少少
好似𡁻緊嚿柴咁
一丁麵煮得夠出色彈牙！
其實有好多茶記
就算加錢轉一丁
都係可以煮得好難食
不過呢間真係唔錯
同埋呢度老闆夥計
都係好有禮貌服務做得好好
抵讚
會再做回頭客
