發記海鮮酒家

营业中

休息中

屋企人好鐘意去布袋澳食海鮮，覺得依度既海鮮新鮮d！今次係我第一次幫襯發記，最鐘意食佢地既龍蝦同扇貝❤️今次我地3個人叫左炒蜆、上湯龍蝦伊麵、蒜蓉蒸扇貝、一條清蒸黃立倉，同埋白灼蝦。先講上菜，即使果日係假日爆哂場，上菜速度依然好快，叫左10分鐘唔夠都已經上齊👍🏻白灼蝦真係好正，鮮甜爽口😋平時係出面食扇貝一定勁多油勁多蒜，蓋過左扇貝既鮮味😞但依度既煮法就絕對唔會，少少蒜蓉帶出左扇貝既清甜，粉絲唔多，令你真係可以品嘗扇貝既味道而唔會掛住食配菜！另外上湯龍蝦伊麵都好好食😋龍蝦啖啖肉，上湯汁唔會太稀又唔會太漿，伊麵分量岩岩好，唔似出面咁d麵一餅餅好難分，反而係好容易夾，亦好好食😋