Potluck Eatery

🌟店面走木系簡約風，清新純樸，帶住濃濃的文青風。最驚喜係有半露天座位，寵物friendly 。今個月全店佈滿 Ian生日應援裝飾，門前有巨型banner, 室內門口位置有happy Ian day corner，粉絲真係會瘋狂影相！ 晚市套餐🍄‍🟫蘑菇湯＋蒜蓉包蘑菇湯真心濃郁！打到幼滑冇渣，飲到明顯菌香。蒜蓉包烘得脆身，蘸湯食一流。 🦞忌廉茄蓉蟹肉龍蝦意大利飯賣相吸引, 面頭鋪上半隻新鮮龍蝦，飯粒軟硬適中，佈滿蟹肉，茄蓉酸甜平衡忌廉膩感，龍蝦肉彈牙。🥩炭燒安格斯肉眼扒（10安士）** 牛扒控可試！外層炭燒紋夠香，叫咗五成熟切開呈嫩粉紅，肉質鬆化有牛香。 🧁泡沫咖啡慕絲蛋糕慕絲輕盈，咖啡苦香同甜度剛好，餅底脆脆地有層次。☕️餐菜熱檸茶＋洋甘菊茶🌟食物質素對得住價錢，尤其蘑菇湯同牛扒有驚喜。加分位絕對係文青環境加上今個月Ian生日主題佈置，粉絲朝聖一流，建議預早訂位。