本場

营业中

休息中

今日嚟就係為咗「美國SRF極黑牛肉」嚟嘅‼️鍾意食呢款牛肉嘅朋友唔使猶豫，直接點呢個套餐就得，任你拎任你食，食到扶牆出😋😋極黑牛本身就以非常優質嘅油花同細膩嘅肉質聞名，輕輕喺烤盤上面烤到微微焦香後就可以開食🤤油脂溶化後散發嘅牛肉香味，聞住就令人食慾大增！食落去嗰種豐富嘅肉汁同滑溜嘅口感真係令人忍唔住encore十碟🥹其他部位都係牛肉味超濃郁🥩牛頸脊：肉質細緻，食落去鮮嫩多汁嘅口感非常滑溜😍牛板腱：呢個部位口感比較實淨，食落去略帶彈性，配少少燒肉汁味道更加冇得頂🔥牛脷：牛脷配少少檸檬汁更加凸顯鮮甜味，正啊😍 調味料蔬菜生果都係可以任拎嘅，每一件都好新鮮翠綠！尤其係調味料區竟然有多達10種任君選擇，飲品種類都係多到令人花多眼亂🙀