影片
更多
2019-08-18
639 浏览
今日老細唔喺公司，成班員工開始作反，明知食晏時間只有一個鐘，都特登搭叮叮跑去老遠嘅銅鑼灣食牛角，完全唔理到底可唔可以準時返到公司，呢份對食嘅堅持實在值得敬佩。入到牛角坐定定，睇睇餐牌，由於猴子想食嘅牛肋肉同大腸分別喺 (I) 同 (II) 兩個唔同嘅類別，所以揀咗可以喺兩個類別各選一嘅燒肉定食B。牛肋肉唔使多講都係入口即溶咁鬆軟，肉味十足，更值一讚嘅係大腸，雖然內側全部係脂肪，但入口嗰陣完全唔覺肥膩，兼且有陣香香嘅肉味。猴子係食下午茶時段，所以有七折，其實圍起條數一啲都唔貴，如果你大食嘅話，牛角可能比起一般快餐店更便宜，因為牛角可以畀你免費添飯。猴子為食但唔大食，所以只係食咗一碗，相反，公司嗰兩位大食女神就每人食咗兩碗，如果唔係因為食晏時間有限要趕返公司，相信佢哋可以每人刨三碗。不過又唔可以怪佢哋，因為個玉子飯的確幾好味，紫菜蛋黃撈入粒粒飽滿嘅米飯上，香滑之餘口感十足，就算冇燒肉送飯都可以扒晒成碗，好難忍得住口唔添食。其他仲有迷你沙律同昆布湯，嘢飲方面叫咗杯凍烏龍茶。落單係用平板電腦，可以逐個自已撳，方便快捷。埋單之後仲會派糖，記得攞走唔好嘥。因為知道老細返咗公司，所以都冇得滋滋悠悠咁
燒肉定食B
$82
8 浏览
0 赞好
0 留言
入到牛角坐定定，睇睇餐牌，由於猴子想食嘅牛肋肉同大腸分別喺 (I) 同 (II) 兩個唔同嘅類別，所以揀咗可以喺兩個類別各選一嘅燒肉定食B。
燒肉定食B (牛肋肉，大腸)
$82
12 浏览
0 赞好
0 留言
牛肋肉唔使多講都係入口即溶咁鬆軟，肉味十足，更值一讚嘅係大腸，雖然內側全部係脂肪，但入口嗰陣完全唔覺肥膩，兼且有陣香香嘅肉味。
猴子係食下午茶時段，所以有七折，其實圍起條數一啲都唔貴，如果你大食嘅話，牛角可能比起一般快餐店更便宜，因為牛角可以畀你免費添飯。猴子為食但唔大食，所以只係食咗一碗，相反，公司嗰兩位大食女神就每人食咗兩碗，如果唔係因為食晏時間有限要趕返公司，相信佢哋可以每人刨三碗。
燒肉定食B (香蔥溫泉玉子飯)
$82
21 浏览
0 赞好
0 留言
不過又唔可以怪佢哋，因為個玉子飯的確幾好味，紫菜蛋黃撈入粒粒飽滿嘅米飯上，香滑之餘口感十足，就算冇燒肉送飯都可以扒晒成碗，好難忍得住口唔添食。
燒肉定食B (迷你沙律)
$82
23 浏览
0 赞好
0 留言
其他仲有迷你沙律同昆布湯，嘢飲方面叫咗杯凍烏龍茶。落單係用平板電腦，可以逐個自已撳，方便快捷。
埋單之後仲會派糖，記得攞走唔好嘥。
因為知道老細返咗公司，所以都冇得滋滋悠悠咁慢慢嘆，成個用餐過程都好似趕頭趕命咁，仲要飽住個肚去追巴士，最後遲咗啲啲咁多返到公司，當然我哋好醒目咁當冇事發生坐返埋位隨即埋頭苦幹。雖然係咁，但都覺得係值得嘅，希望老細有日要一整日出外見客，咁我哋就可以慢慢鼠去牛角擦多餐。
题外话/补充资料：
下午茶有七折，不過要加一服務費。
(以上食记乃用户个人意见 , 并不代表OpenRice之观点。)
张贴
