和順記 (電氣道)

YouTube雞髀大比拼見佢都幾出名，特登嚟試一下，咁當然係叫佢嘅神級炸髀啦，下午茶時間$50一隻，真係好大隻，雞皮脆口但唔燶炸得都唔錯，賣相係OK嘅。但食第一啖已經失望，原因係無論雞皮及雞肉都淡而無味，隻雞髀咁大隻當然好多肉，但係啲雞肉係實的的，同埋真係冇味，問店員雞髀是什麼品種？原來是來自美國一些特別大的雞髀，可能就是選材原因，加上調味亦做得唔好，我只食了三份一就放棄了，選擇了賣相及噱頭，但放棄了味道，連招牌出品都做成咁，好失望，真係絕大部份嘅小食店都做得比佢好。