景福餐廳

营业中

休息中

前晚同朋友二人去咗新蒲崗搵食,行過入咗去景福試下D家常菜,時間早人流不多有位坐,一坐低先嚟個足料例湯,啖湯好香甜,係住家既味道,冇味精,再慢慢睇下餐牌,有小菜同煲仔飯,天氣熱煲仔飯留番下次冬天先嚟試,今次先食小菜,叫咗個青芥末薯仔牛柳粒,一上枱勁香芥未味,牛柳粒入口軟軟的加埋青芥末好好味,粒粒牛柳大大粒,仲好有鑊氣,配飯一流,再叫咗個菜圃肉鬆煎蛋角,好好味,有家的味道,又係好配合白飯,最後叫埋個薑蔥霸王雞,D薑蔥配鼓油汁香口好好味,雞唔會煮過龍,滑滑的,讚!加埋套餐有飲品,價錢真係好經濟實惠,抵送買餸煮飯,餸菜仲有家的味道,會覺得每道菜都係用心煮，待應既招呼有禮，下次冬天再嚟食埋個多款式選擇既煲仔飯!