一起食堂 (威利廣場)

下午茶餐超抵食，可以揀送小食或送飲品，價錢 $38 起。

我哋先叫咗兩個下午茶餐堂食：
豆乳素菜烏龍麵 + 麻辣豬耳 (+$10 凍珍珠奶茶)
日式咖哩炸蝦飯 + 滷水雞翼 (+$10 凍仙草冬瓜茶)

豆乳湯底超正，我最後係飲曬成碗湯！！
麻辣豬耳好爽脆，唔會過辣，唔係太食得辣嘅我都食到。

後來，我哋仲叫多咗一個下午茶餐外賣 (豆乳麵 + 蝦卷)，竟然唔使加收外賣盒錢呀！

呢間餐廳嘅服務好好，雖然唔知嗰位女士係老闆定係員工，但佢真係好有禮貌，好親切。

呢間小店啲嘢抵食，好食，服務又好，真係好值得支持！

豆乳素菜烏龍麵，日式咖哩炸蝦飯