夜首爾

营业中

休息中

上次食過醬油🦀覺得依間韓國菜唔錯，今次同朋友試其它菜式，叫咗兩款泡菜餃子什菜豬肉片鍋同海鮮煎餅🫓。店員送上8碟韓國小菜 - 有泡菜、炆薯仔、大豆芽、豆腐亁、醃木耳、菠菜、醃青瓜🥒同醃茄，味道整得唔錯，好有地道韓國味道。🔸 泡菜餃子什菜豬肉片鍋 $380 份量都幾大，泡菜鍋底有少少辣的韓式風味，有八隻大大隻餃子🥟，重有豬肉片、泡菜、金菇、翠玉瓜、洋蔥🧅、年榚同黃芽白菜墊底，好豐富，好啱而家天氣凍凍地食。🔸海鮮煎餅🔸 $150煎到外脆內軟，尤其邊位特別脆，每口都有啖啖魷魚味道、幾足料，煎到不太幾油膩，趁熱食就好吃。照舊全單有八折優惠，埋單$477 就搞掂，抵吃。