影片
更多
2007-05-10
26 浏览
我住得近, 所以久不久都會光顧呢間米線, 最鍾意食係咩一味--炸醬米線加中辣, 佢d中辣都幾辣, 我算食得辣, 但都會食到係咁流鼻水, 佢個炸醬絕對唔係d人講到咁差, 佢係又香又夠味, 偏甜咩? 又唔覺喎。所以單叫炸醬就已經好滋味。佢個湯仲正, 有陣好特別的香味, 每次都好想飲晒佢d湯, 至於有人話d米線過'林', 我估係浸得耐姐, 我接受得到唔爽口的米線, 現場食其實唔覺好林, 算爽口。至於腐皮就唔會一夾就散, 有人話似'哨水', 我覺得咁講就好無厚道及口德, 可能賣相唔係咁靚, 尤其你要豬膶, 望上去真係烏卒卒, 唔係幾好睇, 但味道絕對係好, 否則我都唔會成日去。而且每次去親都多人(晚飯時間), 個個食得好enjoy, 如果真係咁差, 就唔會有咁多街坊生意。講明先, 唔係做媒, 我真係只不過係街坊黎。不過, 你遇左呢類細細的舖頭係會坐得迫d同d阿姐一定唔會好好招呼架喇. 廿幾三十蚊一餐, 想做皇帝乎?
张贴