同事帶咗我去食間辣嘢 佢話間嘢都唔錯架
咁我就然follow佢地去試下啦
咁佢呢就係話帶我去食麻辣格格嘅
但去到門口 間嘢都唔係叫麻辣格格
係叫酸辣格格囉 錯晒
望一望個午餐餐牌
我知佢地點解會叫錯啦
佢地係食呢個麻辣午餐 所以連間嘢個名都叫錯埋
香煎雞扒麻辣醬撈麵 $58
我係冇叫辣嘅
因為我對辣係麻麻地架咋
但佢個撈麵幾入面 有啲甜酸醬咁
都幾惹味嘅
塊豬扒煎得幾香 算係唔錯 脆口嘅
同埋呢間人客量唔多
比較唔駛等位
仲有個前菜跟嘅 叫咗個炒手
普普通通咁
總括黎講算係唔錯
味道可以
人流唔多應該因為價錢上唔太抵食嘅
附近太大競爭嘅
但人流少呢個變相對我係好處
等快咗
