Venchi (PopCorn 1)

難得同女朋友行到將軍澳，經過 Popcorn 商場見到 Venchi，加上天氣焗焗地，忍唔住就入去食 Gelato 解解暑。今次我哋揀咗焙茶味同巴馬臣芝士味，組合聽落已經幾特別。

焙茶味入口茶香超濃郁，帶住陣陣煙韻香，不過偏甜咗少少，如果一個人食可能會有啲膩。好彩配埋巴馬臣芝士味，佢嘅鹹香味即刻平衡返焙茶嘅甜，兩者交錯之下竟然意外地合拍，有種「甜中帶鹹，鹹中帶甜」嘅層次感。

至於 Gelato 嘅口感，係軟滑綿密嗰種，唔似普通雪糕咁易溶化，慢慢歎都唔怕變水。細細杯分量啱啱好，食完唔會太飽，但又有滿足感。唯一小小嘅遺憾就係—$68 一杯，價錢偏高，可能唔會成日食，但偶爾獎勵下自己就啱晒。