但我今次食其他野！就係甜品啦！
晚餐食完任食點心覺得有D口渴，就想望下附近有咩好飲啦🤔
然後就俾我發現隔離有女仔捧住兜野食緊
好似幾吸引，即刻scan Qr code望下先👀
原來個女仔食緊既個兜野叫泰茶冰花🤔
全部甜品都有限制賣嘅數量，雖然我夜晚都仲買到🤣🤣
冰花係即叫即整既，望住店員倒左袋野落部機，跟住就有d飄雪飄落個碗度🤨類似棉花冰咁
重點！！！38蚊，好大兜🤣🤣🤣
完全過晒兜嘅高度，好似雪山咁✨
冰花既冰面再加左少量嘅cream 同埋開心果碎😛
鍾意食冰嘅人會好開心，因爲泰茶冰底本身唔算甜（我鍾意😊）
仲要38蚊係有埋toppings架🫨
有珍珠（我走左）黑糖水晶，芋圓🤫真係好抵食
冰花夠二人份量，所以同人share都冇問題😋
食冰個陣絕對唔建議一開頭就用吸管吸
因爲一堆棉花狀嘅冰會直接被吸入氣管，然後就係咁咳（我啱啱實測完）😇
係一堆泰式茶飲店入面，突然出現泰茶棉花冰係幾有gimmck嘅🤣
