段純貞X日出茶太 (The Johnston)

营业中

休息中

佢哋有幾間分店, 九龍、港島區都有！主打招牌台灣牛肉麵、台灣特色小食, 飲品仲係同Chatime 合作, 好有台灣風味呀～🇹🇼 🍜招牌紅燒腱心牛肉麵 紅燒湯底味道濃厚, 重藥材味, 辣度溫和, 台式手工麵口感煙韌Q彈, 寬闊嘅麵條能吸附更多湯汁！腱心好大件, 夾雜着少量牛筋, 炆至又嫩又入味！旁邊附上酸菜, 可以自行加入湯底裏, 提升味道層次～🍜清燉牛肉麵 湯頭清澈不油膩, 溫潤回甘, 牛𦟌切片份量多, 肉質軟嫩, 吸晒湯汁嘅精華！🥢藥膳雞翼加入紅棗、杞子等養生食材, 濃郁嘅藥材味滲進雞翼裡, 有花雕酒嘅香氣, 好入味！🥬蒜醬青菜 油麥菜清甜爽脆🥤手打鮮檸鳳梨茉莉綠茶有着清新嘅鳳梨果香🍍, 帶檸檬嘅酸香🍋, 搭配茉莉綠茶🍵, 酸甜解渴！