太興 (信德中心)

今日自己一個人去食早餐，排咗一陣終於到我。但係帶位阿姐完全無視我嘅存在，只係問我後面嘅兩位三位四位，他們都相繼已經入座，都仲未到我。一個人食早餐係咪咁難搵位？我已經講到明可以搭枱，視線範圍有好多台都係有吉位，但佢仍然唔理我，我以為自己隱形！後來入面送餐嘅梅姐出嚟打救我，先順利可以搭枱。

梅姐態度好好，即刻幫我落餐，但我杯奶茶真係嚇死人！杯上面仲有上一手女士嘅熱烈紅唇！太興曾經係我最鍾意嘅茶餐廳，現在不了！留返俾你哋慢慢感受！

紅唇奶茶