886巷

買外賣去朋友屋企食，又想食台灣野，最後就搵到886巷！

我就叫左巨無霸鹽麴雞腿排魯肉飯、紅燒牛肉飯同麻辣牛肉麵，再加幾款小食！

巨無霸鹽麴雞腿排魯肉飯簡直係食肉獸福音，超大塊巨型雞朳加上魯肉飯，絕對唔經唔覺食晒所有飯

紅燒牛肉飯同麻辣牛肉麵既牛肉都係牛腩，煮得好腍好入味，個麻辣好有台灣既風味又唔會太辣

小食叫左漿爆雞皮卷、台灣夜市香腸、三角鷄軟骨，個雞皮卷好特別，外面一層雞皮包住嫩滑雞肉，炸香左後外皮少少脆，口感幾得意

另外三角雞軟骨都好正，佢係連住周邊既肉，唔係得粒雞軟骨，醃料都好好味！
整體嚟講食物好大份，性價比好高