1
我由地鐵站行過嚟正常速度10分鐘左右，時間係星期日嘅六七點左右唔使排隊可以直接入。
1
餐廳空間位置好大，如果有位置嘅話店員都容許隨便坐。
牆上面仲有啲好地道嘅壁畫，唔知係咪咖啡廳嘅人畫㗎呢？
（感覺上都係啲好熱血嘅圖畫）叫咗個藜麥煙三文魚牛油果沙律做前菜，佢個碗仲大過意粉個碗
份量好足夠，蕃茄仔喺側邊仲好有心思放做心心圖形，牛油果足足有半個，而且沙律菜唔係超級大塊，應該有特登整碎，方便食用，大贊
超級推介呢個明太子帶子意粉
味道唔會太鹹，幾乎所有嘅明太子都包住每一條意粉，食落去每一啖都有意粉同埋啱啱好嘅明太子醬汁味道，帶子燒到金黃色落去，亦都唔會太過熟
性價比超高！
1
見到OpenRice大家都推介呢個蟹肉蟹籽意粉，所以都叫咗你試，餐廳非常之足料，橙色嘅魚籽一啲都唔馬虎，食之前自己可以撈勻晒喺啲意粉度，細嘅蟹鉗都有真嘅蟹肉，意粉入面亦都有啲蟹肉碎撈埋一齊每一啖都食到蟹！
由於係晚餐時間，所以冇選擇咖啡。叫咗熱嘅抹茶鮮奶，佢屬於有甜度嘅抹茶，個拉花好靚
我叫嘅時候冇特別嗌乜嘢味道，如果你哋需要特別訂製，可能就要同店員溝通
