小巴黎越南豪威餐廳

33蚊下午茶，凍飲唔加錢！唔好以為呢個價錢實會hea你，呢度嘅食物質素係茶記嚟講，堅係食得過！
已經嚟第3次，但第一次食呢個生牛肉湯檬。

1

齋睇樣已經好足料，意想不到係啲牛肥瘦適中仲好有牛味！湯底一如既往清甜。如果要挑剔就係個湯可以再熱啲，不過啲牛熟唔曬又好似係好味啲😅😅
依家香港地，咁嘅價錢食到咁嘅質素真係好難得㗎啦！唔怪之得咁多街坊捧場，係值得鼓勵嘅！但呢度逢星期六休息，返五日半嘅朋友仔就嘆唔到呢個咁高性價比嘅下午茶餐啦😌😌