咩記打邊爐

誤打誤撞發現了這間位於旺角的高質火鍋店 上到去店舖裝修是懷舊香港風 光潔明亮新淨 座位坐得好闊落 睇見Menu應該係主打食羊肉 仲有幾款不同部位的羊肉選擇 坊間應該比較少見 喜歡食羊嘅朋友就啱晒 最驚喜的是 除了火鍋配料外 還有串燒和我最喜愛的乳鴿🤤 唔怪得好多食客都係一班朋友一路飲啤酒一路食★鴛鴦鍋 -卜卜蜆濃湯及麻辣鍋可以揀鴛鴦鍋梗係士多款湯底 卜卜蜆湯底鮮甜 好適合淥菜或海鮮食 麻辣湯底當然適合重口味人士 同羊肉牛肉滑類都好夾★招牌高鈣肉 ★百日羔羊肉 其實幾款羊肉都想食 下次要叫大班人可以再叫多幾款 高鈣肉個邊位會有軟骨 好特別第一次食 這款肉佢標榜嫩而不臊 事實上真的沒有臊味 另一款寫推薦的是百日羔羊肉 羊肉味較重 但肉質都很嫩滑★手切豬豬面珠墩見到這款名字很特別 便問了店員是什麼 原來是豬的面珠墩 上枱時樣子很像牛肉 不過食落是爽口的鮮甜豬肉味 幾特別推薦一試★烤羊肉串及烤羊小排★爆汁燒乳鴿羊小排串肥瘦相間 燒得好香 燒乳鴿不得了 原隻上枱香噴噴 俾埋金鉸剪你可以自己手撕或者剪開慢慢嘆 細細隻肉質好嫩好Juicy 後來發現原來OpenRice有套餐仲抵 下次可以訂位時再睇下