一家

营业中

休息中

今次係我第二次食呢間餐廳，完全係為左食小籠包而黎😂今次嗌左醬炒空心菜、小籠包同黃魚石鍋淮山麵，出菜速度快，上枱時熱辣辣，味道好，每台都有壺熱茶，整體用餐體驗好好。醬炒空心菜 （$82）上枱時出晒煙，鑊氣十足🔥好香XO醬，炒得唔油，分量足夠。小籠包 （$58）一定要趁熱食！！外皮做得好薄，但又唔易爛，一咬開充滿肉汁👍🏻黃魚石鍋淮山麵 （$118）黃魚煎過外脆肉嫩，冇咩魚腥味。湯底唔太重魚味，亦唔太似味精湯，飲完唔會口渴。