順德公漁村河鮮酒家

营业中

休息中

男朋友仔想食下啲中式菜，我地冇特別搵就是但搵左間近嘅順德公漁村河鮮酒家🫡入到去餐廳嘅環境都幾乾淨企理，餐廳嘅店員即刻過嚟帶位，當然都見到唔少街坊嚟食嘢。心水推介💗太子成名脆皮咕嚕肉！咕嚕肉真係我最愛，酸酸微微好適合餸飯！而且咕嚕肉外脆內軟，好快就食哂成碟😋健康美味💗西蘭花炒帶子王！我係一個健康主義者，食乜餐廳都一定要食菜！見到隔離枱碟西蘭花🥦幾靚仔！搞到我都整返碟，順便逼下男朋友食菜！仲有埋帶子添，正😘養生靚湯💗天麻魚頭湯！主打祛風止痛行氣活血，飲落魚味唔會好腥，啖啖湯都幾鮮甜🤩間唔中食下啲中菜又幾好，唔洗成日食埋啲炸雞薯條咁熱氣，下次想食中菜都會再嚟！特別係佢個咕嚕肉真係大愛😘