另外仲有多款配料配搭好嘅乳酪雪糕組合、亦有自選組合供選擇, 而且就連寵物杯都有供應。
6
【終極開心果】HK$52
超推介比開心果控!! 真係啖啖開心果香氣;
中層放有大量開心果碎石同埋神秘開心果脆脆, 令口感超有層次, 加上了軟滑入口即溶嘅乳酪雪糕, 配有開心果黑朱古力, 香脆可口, 再淋上開心果碎碎醬, 層次同埋開心果香氣再double up! 大愛!!
【黃金寶】HK$58
以芒果肉為主打嘅乳酪雪糕, 乳酪雪糕配上芒果肉、脆口杏仁脆、軟綿麻薯、清甜蜂蜜等等…味道同口感同樣有層次, 健康美味。
【芒香乳酪Croffle】HK$40
即叫即焗, 製作需時, 但值得一等。
窩夫焗得鬆脆, 加上大量乳酪雪糕, 熱辣辣窩夫令雪糕更快為半溶狀態, 令人更急不及待大口大口咁食, 配上芒果肉同埋芒果醬, 甜酸開胃。新鮮即焗窩夫仲係天后店獨有, 一定要試!
