今次就揀左Terrace in Seaside，橙色格調嘅韓式餐廳，食物擺盤精緻！
🌟 韓式豬手 (半份)
切片嘅豬手，膠質滿滿又不膩口，滷汁鹹中帶甜，用生菜夾豬手，再蘸上韓式辣醬包裹住一齊食，清新又解膩！
🌟 韓式烤牛肉奶油意粉
韓式烤牛肉配上 creamy 嘅奶油醬汁，令意粉掛汁力十足，牛肉嫩滑帶焦邊，帶點鹹香味，就好似韓式嘅卡邦尼一樣！
🌟 雞蛋多過飯的蛋飯卷
真係超多蛋嘅飯卷，入面包住紅蘿蔔青瓜及牛蒡，健康又飽肚，啱晒小朋友食！
🌟 飲完唔會手指指餅咖啡
超打卡咖啡，手指餅加綿滑嘅泡沫及香濃咖啡，混合後就剛剛好！
🌟 帶點驚喜的香印提子奶蓋綠茶
驚喜之作，日香印提子融入綿密奶蓋，底下是淡雅綠茶，仲提子果肉係底層，好fresh！
🌟 開唔開心試咗先知嘅開心果蜜糖窩夫
窩夫上淋上開心果醬，底下鋪滿開心果碎，加上甜甜嘅蜜糖及焦糖脆脆，食完真係好開心，完美作結！
