嘗試呢間位於朗豪坊頂層嘅半自助晚餐
原來屬於Mr. Steak旗下餐廳
每人揀個dinner main，再另外出去自助吧攞嘢食
55
✨自助吧✨
沙律款式豐富，有紫椰菜配紅菜頭、南瓜沙律、泰式香甜木瓜沙律、羽衣甘藍配粟米、芝士通粉沙律等🥬
海鮮冷盤有冷凍蝦、青口、蜆肉，不過味道麻麻
Cold cuts有三款火腿
Cheese platter配提子鬆餅、麵包條、crackers🧀
精選餐湯係椰菜花忌廉濃湯，味道唔錯幾creamy，配香脆麵包條好食🥖
飲品吧設有提子汁同菠蘿汁🍹
✨Main✨
▶️ 檸檬迷迭香爐烤春雞 ($255)
份量大得驚人🤯
兩大舊雞胸同兩隻大雞髀
自己一個根本食唔晒，滿滿protein
肉質鮮嫩，尤其雞髀🍗
連雞胸都唔鞋，仲好厚肉
調味醬汁okay，好夠濃味
唯一係覺得佢落得太多不必要嘅橄欖油
下面配有薯蓉、蘆筍、紅蘿蔔、車厘茄雜菜
2
▶️ 澳洲JD金裝穀飼肉眼扒 ($378)
Medium rare整到中間保持生生地紅潤
肉質睇位置，有啲偏韌，有啲就幾腍🥩
整體有新鮮牛味，唔錯，但未去到好食
▶️ 蘆筍飛魚子蕃茄忌廉意大利燉飯 ($215)
睇個樣好靚仔，材料豐富
鍾意佢落咗好多唔同蔬菜，飛魚子亦落得好足
可惜調味太鹹同埋比較單一🍅食晒好漏
1
▶️ 燒烤醬豬仔肋排拼燒春雞 ($288)
✨甜品吧✨
款式甚多，會不停refill
抹茶蛋卷、木糠布甸、藍莓芝士蛋糕、檸檬撻、四色啫喱、brownie、紅棗糕
1
個人最推介係❣️木糠布甸❣️
食落係牛奶布甸咁🥛牛奶味香，似食緊固體少少嘅牛奶
精粹係配合上面頭餅乾碎一齊食
難怪每次一出，眨吓眼就成盤清咗
所以我同屋企人一睺到佢出，就即刻衝出去攞😂
抹茶蛋捲乾咗啲，其他甜品正正常常啦
-
自助吧質素比預期好
欣賞佢馬虎，沙律有誠意而且食落新鮮
主菜大大份，不過調味上可以再做好少少🤏🏻
木糠布甸係今餐VIP，嚟到切勿錯過！
服務OK，會不停幫你收走碗碟
環境舒服，朗豪坊頂層有其他Bar，氣氛好好 (可以享受到隔離live music)
性價比唔錯，<$400/pax 食晚市semi buffet差唔多
