活水和風食堂

营业中

休息中

趁新年前有藉口周圍掃下貨，又去多左次D2 place既年宵市集，去之前梗係搵下附近有咩好野食，試下啲未食過既餐廳啦。咁啱呢排好有日本癮，成日都想食啲日本野，平時反而鍾意泰越港式多啲。哈哈咁就係長沙灣搵到呢間，見佢平平地又多位坐下就試下啦。嗌野食既時候就發現店主係有信仰，啲餐牌同佈置間唔時都有一兩句聖經金句，又幾特別。午餐選擇都算多，定食同烏冬都有得揀下，都係普遍會見到既set。今日揀左鹽燒鯖魚同豬扒飯兩個定食。鯖魚燒得唔錯，同埋都幾大條，夠送晒個飯仲有剩。飯麵都冇嘜特別正正常常，比較開心係日本野黎講佢算好多小食揀嘻嘻，呢排已經好多熱氣野落肚都忍唔住叫左個炸魷魚。