灣仔一向都多酒吧，但係想搵間可以傾吓計聽音樂嘅居酒屋就真係唔多啦🙂前幾日睇完戲同朋友行過灣仔嘅一條巷，發現有一間細細間食串燒既小店，原來佢都係居酒屋來的，咁啱有happy hour，沖繩Orion 啤酒都係$28一杯🍻
所以同朋友決定坐低飲番杯順便食少少嘢☺️餐廳晚上7點後仲會有Live Music表演
飲住酒聽busking零舍寫意😌呢度啲客人好高質，大家都安安靜靜聽樂手表演，彈住結他唱住悠閒嘅流行音樂，啱晒鍾意聽音樂但係又唔鍾意太嘈Band Music既人🎶食物方面都好高質，有幾樣食物好食到我哋叫咗幾次😆
💁🏻♀️明太子蛋白玉子燒 $58
平時食嘅玉子燒都包含蛋黃，呢度嘅淨係用咗蛋白製作，味道清清地，但係有蛋香，配上明太子沙律醬，帶有微微焦香味道
💁🏻♀️雞中翼 $38
燒雞翼個外皮好脆，雞肉仲係保留住汁水，食落Juicy同埋好夠味道
💁🏻♀️厚燒牛舌心 $58
撇除價錢之外，其實個牛舌心都好好食👍🏻厚切嘅關係所以食到彈牙嘅感覺，用岩鹽調味就已經好夠，不過略嫌貴咗少少
💁🏻♀️明太子燒飯團 $48
鍾意食燒飯團嘅就可以試吓呢一款明太子燒飯團啦，應該搽咗特製嘅醬汁再燒，個外皮有一陣甜甜嘅醬油味，明太子已經混合咗喺飯團入面，每一啖都食到明太子自帶嘅鮮味同埋辛辣，趁熱食個紫菜脆卜卜💪🏻
💁🏻♀️話梅車厘茄 $32
冇記錯我哋好似encore咗四次😆因為個話梅車厘茄真係好好食，個汁底似係用咗七喜同埋話梅浸泡，車厘茄入晒味又好香甜，送酒一流💪🏻必食
💁🏻♀️翠玉瓜 $18
食串燒又點可以唔食菜肉瓜，有冇人覺得燒翠玉瓜嘅味道其實有啲似食緊肉咁？食落有咬口，而且多汁又水潤，每次食串燒我都一定會叫翠玉瓜解膩
💁🏻♀️酒盜芝士 $58
我最鍾意既佐酒小食之一，鹹香嘅酒盜配上滑溜嘅cream cheese，可以將芝士同酒盜醬搽上餅乾再食，不過我就比較鍾意直接食個醬啦😆送酒一流
💁🏻♀️雞軟骨 $28
雞軟骨就正常貨色，燒得夠香脆同埋調味都夠濃味，有咬口
💁🏻♀️麻油辣雞腎 $38
1
如果食得到辣嘅話呢一個雞腎其實幾惹味，用咗唔少醃料調味，雞腎清理過冇腥味，入口爽脆，不過辣嘅後勁比較強，食到辣可以試吓
💁🏻♀️日本甜薯 $18
食完咁多鹹嘢食返啲甜嘅中和一下，日本甜薯燒過之後有入口即溶嘅感覺
