小妹三人行大約12:25到達餐廳，是難得地要排隊候座😲，令小妹內心覺得「好似好多人幫襯喎，應該無揀錯🫶🏻」於是乎，小妹在烈日當空下等了約十分鐘，便安排入座了！
店內感覺似和民，但價位屬中下，價錢親民及抵食，款式選擇也非常多，相比港島區一碗角切魚生飯最平都要$128，而屯門呢間抵食日本餐廳的《北海道角切魚生丼》，索價係$72咋😍😍而家諗番都覺得好抵吖👏🏻👏🏻👏🏻小妹三人分別選擇了：
▫️網燒牛扒定食配炸雞、茶碗蒸 $85
牛扒粉嫩（同事話拍得住牛角）、炸物～薄皮熱辣辣，配埋白飯簡直惹味😍
▫️燒雞扒番茄湯烏冬 $65
燒雞扒係難得的脆皮雞扒，番茄湯底濃厚，配料也有四款：青蔥、鳴門卷、粟米、木耳，小妹非常滿意👍🏻烏冬口感煙韌，好好食😋。不過下次會選擇唔要鳴門卷🤭因為太粉了，唔好食🥹
▪️以優惠價加兩款小食（玉子壽司及雜菜天婦羅）
午市定食可加$17配兩款小食、加$19仲有多碗麵豉湯；小妹選擇了玉子壽司🍣（有兩粒㗎）及雜菜天婦羅（芋頭、南瓜、冬菇）
▫️壽喜牛肉鍋定食配炸雞、茶碗蒸 $82
壽喜燒份量算多，有菜底、牛肉、雞蛋，仲要配埋白飯，小妹同事差啲食唔晒添😂
認真唔講笑🤭性價比高，美食品質高過價錢，食得出好用心製作，唔馬虎！當然大家口味各有不同，只不過對於小妹就覺得好食🤤會介紹比身邊嘅朋友🫶🏻
9
14
