影片
更多
2024-01-01
42 浏览
今日同朋友嚟到位於尖沙咀嘅哩間日式廚師發辦餐廳。餐廳環境雅緻舒適，係日式木系裝潢，有呈四方形既吧台位置。店員好細心，會幫客人拎件褸去掛，亦經常添茶。餐牌～✨ 皇 Sumeragi Omakase $1780🔺餐前湯因為天氣凍，所以會準備餐前湯俾客人先暖一暖胃，非常貼心～🔸先付三點🔺令和之怪物🔺剝皮魚🔺赤身醬油漬來自岩手縣嘅令和之怪物，因為體型大，所以有怪物之稱，加少少檸檬汁就食得，質感清爽creamy，味道清甜。刺身有剝皮魚同赤身醬油漬，剝皮魚鮮甜，入面仲加左剝皮魚乾嘅醬，可以連埋下面嘅昆布一齊食；而赤身醬油漬鹹香鮮味。🔸刺身兩點刺身有獅魚及水八爪魚。厚切既獅魚經過稻草煙燻，帶有煙燻香氣，再加上洋蔥、蘿蔔，連埋底下嘅醬汁一齊食，味道鮮甜，口感豐富；北海道水八爪魚質感軟腍，旁邊有Wasabi及柚子胡椒。🔸燒物燒赤鯥味道鮮甜，肉質嫩滑，配上日本舞茸。🔸壽司八貫白蝦、北寄貝、池魚、金目鯛、中拖羅、大拖羅、海膽、海鰻白蝦用昆布醃製過，有昆布嘅味道混合白蝦嘅甜味，味道超鮮甜，非常好食；北寄貝鮮甜爽彈；池魚肉質綿軟，魚味濃郁；金目鯛味道鮮甜，肉質同樣軟腍。來自北海道噴火灣嘅拖羅，中拖羅魚味濃郁，油
餐牌～
✨ 皇 Sumeragi Omakase $1780
🔺餐前湯
因為天氣凍，所以會準備餐前湯俾客人先暖一暖胃，非常貼心～
🔸先付三點
🔺令和之怪物
🔺剝皮魚
🔺赤身醬油漬
來自岩手縣嘅令和之怪物，因為體型大，所以有怪物之稱，加少少檸檬汁就食得，質感清爽creamy，味道清甜。
刺身有剝皮魚同赤身醬油漬，剝皮魚鮮甜，入面仲加左剝皮魚乾嘅醬，可以連埋下面嘅昆布一齊食；而赤身醬油漬鹹香鮮味。
🔸刺身兩點
刺身有獅魚及水八爪魚。厚切既獅魚經過稻草煙燻，帶有煙燻香氣，再加上洋蔥、蘿蔔，連埋底下嘅醬汁一齊食，味道鮮甜，口感豐富；北海道水八爪魚質感軟腍，旁邊有Wasabi及柚子胡椒。
🔸燒物
燒赤鯥味道鮮甜，肉質嫩滑，配上日本舞茸。
🔸壽司八貫
白蝦、北寄貝、池魚、金目鯛、中拖羅、大拖羅、海膽、海鰻
白蝦用昆布醃製過，有昆布嘅味道混合白蝦嘅甜味，味道超鮮甜，非常好食；北寄貝鮮甜爽彈；池魚肉質綿軟，魚味濃郁；金目鯛味道鮮甜，肉質同樣軟腍。
來自北海道噴火灣嘅拖羅，中拖羅魚味濃郁，油脂豐溢，入口半融；大拖羅係三層堆疊埋一齊，食落去更有口感，而且油脂超豐富，非常好食👍🏻
來自北海道既馬糞海膽味道超鮮甜，質感creamy，亦係好食推介👍🏻最後一件壽司係海鰻魚，上面淋上由海鰻魚骨熬製嘅醬汁，入口超級綿軟，食得出好鮮美，好好食👍🏻
🔸玉子燒
玉子燒有兩款，右邊嗰款用上魚肉、蝦肉，再用蜂蜜調味；左邊嗰款用雞蛋、牛奶、忌廉，面頭仲有一層焦糖，兩款都香甜好食。
🔸椀物
魚湯用魚骨熬製，入面加上蘿蔔蓉，質感濃稠，味道鮮甜。
🔸甜品
甜品係餐廳自家製嘅草莓紅豆大福，紅豆同草莓都味道香甜，為哩餐畫上一個完美嘅句號～
张贴
