影片
更多
2023-10-07
142 浏览
Burger Mate📍尖沙咀金巴利道78號金輝閣地下A號舖最近生活有啲不如意，朋友知道我唔太開心所以放工搵我，見面陪我傾下，食下好嘢，希望心情會好返啲。我哋喺尖沙咀街頭搵餐廳時，見到間漢堡店，喺門外睇menu時，一位態度親切嘅外藉店員主動同我哋介紹佢哋即叫即製嘅burger。 💰$85瑞士芝士安格斯牛漢堡 🍔店員介紹佢哋呢度嘅burger係authentic American burger，牛肉漢堡都係用美國農業部認證嘅優質牛肉整成嘅，品質絕對有保證。因為實在太多選擇，所以我哋就叫店員介紹一下有邊啲係佢認為必食嘅推介，佢就介紹咗兩款牛肉burger俾我朋友食，一係瑞士芝士安格斯漢堡，二係A5日本上洲牛和牛安格斯漢堡，前者嘅芝士比較香濃有特色，後者就無咁heavy，多啲女士鍾意食。朋友問我意見，我就當然覺得要揀瑞士芝士嗰款啦，因為聽到A5和牛比較啱女士食多啲。瑞士芝士安格斯漢堡夾有生菜、蕃茄、洋蔥、酸瓜、安格斯牛肉漢堡同瑞士芝士。漢堡唔算好大塊但啖啖肉香，好多汁，其他配菜夠清新，味道好夾。佢嘅包身不軟不硬，微甜帶麥香嘅麵包口感獨特，芝士味滋味非常，加上外藉廚師即叫即整，個包唔會索晒啲汁
📍尖沙咀金巴利道78號金輝閣地下A號舖
最近生活有啲不如意，朋友知道我唔太開心所以放工搵我，見面陪我傾下，食下好嘢，希望心情會好返啲。我哋喺尖沙咀街頭搵餐廳時，見到間漢堡店，喺門外睇menu時，一位態度親切嘅外藉店員主動同我哋介紹佢哋即叫即製嘅burger。
[價錢 Price]
💰$85
瑞士芝士安格斯牛漢堡 🍔
店員介紹佢哋呢度嘅burger係authentic American burger，牛肉漢堡都係用美國農業部認證嘅優質牛肉整成嘅，品質絕對有保證。因為實在太多選擇，所以我哋就叫店員介紹一下有邊啲係佢認為必食嘅推介，佢就介紹咗兩款牛肉burger俾我朋友食，一係瑞士芝士安格斯漢堡，二係A5日本上洲牛和牛安格斯漢堡，前者嘅芝士比較香濃有特色，後者就無咁heavy，多啲女士鍾意食。朋友問我意見，我就當然覺得要揀瑞士芝士嗰款啦，因為聽到A5和牛比較啱女士食多啲。
瑞士芝士安格斯漢堡夾有生菜、蕃茄、洋蔥、酸瓜、安格斯牛肉漢堡同瑞士芝士。漢堡唔算好大塊但啖啖肉香，好多汁，其他配菜夠清新，味道好夾。佢嘅包身不軟不硬，微甜帶麥香嘅麵包口感獨特，芝士味滋味非常，加上外藉廚師即叫即整，個包唔會索晒啲汁而變得淋身，推介！
[價錢 Price]
💰$98
香脆雞扒漢堡 🍔
知悉我唔食牛肉，店員推介佢哋唯一款雞肉漢堡俾我。香脆雞扒漢堡夾有生菜、蕃茄同酸瓜，一般我食漢堡都會要求走咗嘅食材，但無估到呢度嘅配菜同炸雞扒又幾夾，些少違和感都無，我對自己食晒所有配菜表示驚訝！有別於一般嘅雞肉漢堡，呢度嘅雞扒炸得外脆內嫩，而且有斬件，再唧上惹味嘅醬汁，真係一試愛上。非常推介俾愛食炸雞嘅朋友！
[價錢 Price]
💰$65
黑松露薯條 🍟
店員極力推薦佢哋即叫即炸嘅黑松露粗薯條，我同朋友都係黑松露嘅fans，當然要試一試啦！估唔到佢唔係黑松露醬，亦唔係黑松露粉，而係肉眼可見嘅黑松露，真係太唔真實啦！粗薯條炸得金金黃黃，每條都裹上點點黑松露，香氣四溢。一包份量都好多，一個人食可以會覺得太飽，好似我哋咁share食就啱啱好！
[價錢 Price]
💰$18
梳打水 🥤
飲品以罐裝飲品為主，我哋揀咗較健康嘅梳打水，果然食fast food就係要飯返啲有汔飲品先夠爽！
张贴
