Y o'clock

营业中

休息中

成日都經過呢間酒店，一直都以為佢係一間比較遊客嘅酒店，估唔到原來喺度都有酒吧。朋友介紹話呢度比較寧靜，好適合坐低傾偈，所以今日就嚟聚會啦。上到去原來佢有分室內同室外，室內嘅佈置就好靚，好適合大家。然後室外就有好多植物，好適合坐低傾偈。因為等朋友，所以我哋就叫咗個枝豆同埋炸雞食。知道估唔到份量好多，而且同出面嘅枝豆唔同，佢嘅調味好特別，送酒一流。另外我哋仲叫咗個炸雞，炸雞外脆內嫩，雖然唔係非常出色嘅炸雞，但係啱晒一班朋友坐低飲酒傾偈。今日我哋主要飲嘅係紅酒，價錢非常平，而且質素都唔差，飲落唔會酸，如果唔係品酒嘅話呢度嘅價錢真係一流。