影片
更多
2025-06-06
0 浏览
今日同壽星女慶生，專登book咗尖沙咀呢間Omakase——花晨月夕一入門口就俾佢嘅和風裝修吸引住，有私隱度高嘅卡位，但我哋當然揀坐吧枱，可以近距離睇師傅表演刀工啦咁我地揀咗「Omakase Sun」套餐 ($1380/位)首先前菜係豪華海鮮嘅四重奏一上枱就知唔簡單！鮑魚粒、松葉蟹肉、日本海蜇仲有地膚子，撈埋胡麻醋啫喱，酸酸地超級開胃。特別係個鮑魚，爽彈得嚟又入味，仲要每樣食材都切到一口size，超貼心～🐟【刺身三品】1️⃣ 白身魚包海膽師傅手起刀落，將白身魚片捲好，中間塞滿霧多市海膽，一放入口，先係魚肉嘅清爽，跟住海膽嘅creamy即刻湧出嚟，層次感爆燈2️⃣ 小長井華漣蠔睇見師傅開蠔已經流口水！隻蠔大過我隻手掌，肥美到震。食落完全冇腥味，反而有陣淡淡嘅海水甜味，尾韻仲帶少少礦物味3️⃣ 三文魚籽海膽杯師傅自豪話啲三文魚籽係自家醃製，果然比出面食到嘅甜好多！面頭鋪滿海膽，一啖隊落去，魚籽卜卜脆，海膽又好濃郁🥩【和牛海膽糯米卷】A5十勝和牛片炙燒到半熟，包住柱貝同道明寺糯米，面頭再放海膽。以為會好漏？錯！糯米吸晒和牛嘅油脂，食落竟然出奇地清爽，仲帶微微甜味🍣【壽司八貫】1️⃣ 間八壽司師傅話係時令魚，
一入門口就俾佢嘅和風裝修吸引住，有私隱度高嘅卡位，但我哋當然揀坐吧枱，可以近距離睇師傅表演刀工啦
咁我地揀咗「Omakase Sun」套餐 ($1380/位)
首先前菜係豪華海鮮嘅四重奏
一上枱就知唔簡單！鮑魚粒、松葉蟹肉、日本海蜇仲有地膚子，撈埋胡麻醋啫喱，酸酸地超級開胃。特別係個鮑魚，爽彈得嚟又入味，仲要每樣食材都切到一口size，超貼心～
🐟【刺身三品】
1️⃣ 白身魚包海膽
師傅手起刀落，將白身魚片捲好，中間塞滿霧多市海膽，一放入口，先係魚肉嘅清爽，跟住海膽嘅creamy即刻湧出嚟，層次感爆燈
2️⃣ 小長井華漣蠔
睇見師傅開蠔已經流口水！隻蠔大過我隻手掌，肥美到震。食落完全冇腥味，反而有陣淡淡嘅海水甜味，尾韻仲帶少少礦物味
3️⃣ 三文魚籽海膽杯
師傅自豪話啲三文魚籽係自家醃製，果然比出面食到嘅甜好多！面頭鋪滿海膽，一啖隊落去，魚籽卜卜脆，海膽又好濃郁
🥩【和牛海膽糯米卷】
A5十勝和牛片炙燒到半熟，包住柱貝同道明寺糯米，面頭再放海膽。以為會好漏？錯！糯米吸晒和牛嘅油脂，食落竟然出奇地清爽，仲帶微微甜味
🍣【壽司八貫】
1️⃣ 間八壽司
師傅話係時令魚，肉質爽甜，入面少少wasabi已經夠晒鮮
2️⃣ 柚子帆立貝
超大粒帆立貝！師傅灑上柚子皮，清新嘅香氣即刻令成件壽司昇華
3️⃣ 火炙金線鯛
坊間少見嘅金線鯛，師傅用火槍輕輕燒過魚皮，油脂香即刻飄出嚟
4️⃣ 伊佐木壽司
魚肉自帶甘甜，師傅話呢條魚今朝先到港，新鮮到不得了
5️⃣ 靜岡白三文魚
脂肪分布均勻，入口即化，完全冇筋
6️⃣ 金目鯛壽司
師傅特登保留魚皮，炙燒後脆脆地，同嫩滑魚肉形成超正對比
7️⃣ 晈鰈魚邊壽司
全晚高潮之一！魚邊炙燒到半溶狀態，一放入口真係爆油，香到癲！
8️⃣ 大拖羅壽司
選用魚腩最肥美位置，師傅刀工了得，切到透光咁薄，真係入口即溶
✨壓軸金粉海膽手卷
師傅將成板海膽堆成小山，用紫菜包住醋飯，面頭灑上淡雪鹽。最誇張係師傅會將壽司放喺你手心，然後即場灑食用金粉！金粉飄落嗰刻真係靚到唔捨得食～但最後都忍唔住一啖KO咗
🍲蜆湯鮮甜到震
用咗幾十隻蜆熬製，湯色清澈但鮮味濃郁，飲完成個人暖笠笠
🍈甜品
黑糖波子提子爆汁超甜！靜岡蜜瓜更係不得了，香甜多汁到好似食緊蜜糖咁
我地全程食足2個半鐘，師傅會好細心講解每道菜。最正係見到師傅處理食材時個種專注，簡直係視覺享受！雖然價錢唔平，但計返食材質素同體驗，絕對值回票價。特別日子想慶祝嘅話，呢度真係唔錯嘅選擇
张贴
