城寨煲皇

营业中

休息中

喺尖沙咀見到一間港式裝修風格，而且好出名打邊爐同刺身嘅餐廳。終於都有機會book到位去試一試，我哋去到之後發現佢嘅風格，係根據港式茶餐廳嘅風格去做裝修🥰我哋等咗5分鐘左右就可以入座，而且員工都好友善咁同我哋介紹一下佢哋嘅特色菜。我哋去到嘅時候因為太肚餓，所以一開始就叫咗兩個小食先。分別係刺身類別嘅涼拌麻辣花甲，佢個麻辣真係好值得一試，而且佢嘅花甲都係十分之新鮮同鮮甜。仲有呢一個鹽燒鮑魚加海膽，完全唔腥嘅海膽再加上每一啖都係爆汁嘅味道🤤一開始我哋就叫咗城寨沙嗲鍋做湯底，呢一個湯底有少少甜辣嘅味道，鍾意食少少辣嘅你哋都可以值得一試💕而且佢嘅湯底十分濃郁，唔需要配好多額外嘅醬汁都好好食🤤喺火鍋配料方面，我哋就叫咗非凡牛胸爽，掛架牛頸脊同即炸響鈴卷。個人覺得佢個掛架牛頸脊好值得一試，因為佢個口感好嫩滑，而且有淡淡牛肉嘅鮮味。配上我哋叫嘅沙嗲湯底，絕對值得我幫佢推薦一下！