拾う月

营业中

休息中

新蒲崗有一間好本地嘅日本餐廳，主要做街坊生意～見到佢有啲日本飯、便當價錢都唔貴，裏面嘅裝修又可以睇吓魚游來游去都幾寫意～｜壽喜燒牛肉鍋二人前｜壽喜燒兩人份都係$198，蔬菜好新鮮，洗得都好乾淨，材料有金菇、本菇、豆腐、豆卜，大蔥、洋蔥，壽喜燒醬汁甜甜地，再加埋咁多材料撈埋湯底好鮮甜～｜炙燒三文魚 明太子醬｜三文魚燒過之後特別香口，魚油香濃，再加埋明太子醬令到三文魚嘅味道層升，味道更加豐富～飯上面仲有好多幼滑嘅蛋絲，撈埋一齊食味道真係唔錯～｜鯛魚燒｜鯛魚燒裏面係吉士醬，即叫即燒，外型一條細細嘅金魚咁，外面有啲脆咬落有嚼頭，都幾得意，值得一試～