山頭火

平時去開沙田市中心都知道呢個商場有唔少餐廳選擇，但係通常都去開指定幾間餐廳食飯(銀城)。今日中午諗起早幾日有朋友推薦位於新城市中心一期7樓既日本餐廳~山頭火。今日係平日中午不算太多人，大部分都是鄰近的上班族。

我們叫了一個炸雞定食 (約 $126) 以及一個燒羊肉飯。炸雞定食的份量都算多，配有腩肉拉麵及半碗白飯。中午食飯不想食太重口味，侍應推薦左鹽味拉麵湯底，湯底較為清淡，拉麵麵質屬幼身，口感幾有彈性，唔會太腍/太軟身。另外值得一提既係個炸雞，炸左出黎好香口同又唔會太油膩，雞肉亦算嫩滑，整體配搭不錯。

燒羊肉飯 (約 $58) 分量較為少，羊肉尚算厚身，略帶羊膻味，配上大量洋蔥，建議愛食羊既朋友可以一試。

定食份量豐富適合上班一族午餐之選！