容記小菜王

营业中

休息中

姊妹生日，一共六位去食小菜，有訂枱嘅，但應該都唔使等位，我哋嗌咗五花茶，味道唔錯，可以推薦好足料嘅五花茶～翹叫咗一個長腳蟹芝士伊麵！勁好食！伊麵味道濃郁，而且口感啱啱好，對於伊麵我都好有要求，因為之前食過其他酒樓嘅龍蝦伊麵，個伊麵真係可以好難食，但呢一間唔單止個長腳蟹超級鮮甜大舊，而且個伊麵都做得好好入味，另外讚嘅就係墨魚咀～炸得幾好食～本身叫咗五個小菜唔夠再叫多個菜～大家食飽飽～$1000頭埋單，正常價格，見到隔籬枱見咗一個好似荔枝樹嘅裝飾，原來係一個蝦球。打卡影相完全一流，下次可以叫！家庭餐聚一大班朋友，適合嚟呢度食飯，而且個店員嘅服務態度非常之好！同我哋有講有笑！幫我哋揸機影相完美笑容，香港就係需要呢啲咁有人情味禮貌嘅態度餐廳！